Live Kannur

ജൂണ് 30 വരെ ട്രെയിനുകൾ ഓടില്ല… ടിക്കറ്റുകൾ റദ്ദാക്കി റെയിൽവേ,ഓടുന്നത് സ്‌പെഷ്യൽ ട്രെയിനുകൾ മാത്രം

ന്യൂഡൽഹി: രാജ്യത്ത് ജൂൺ 30 വരെ റെഗുലർ യാത്രാ ട്രെയിനുകൾ സർവീസ് നടത്തില്ലെന്ന് സൂചന നൽകി റെയിൽവേ. ലോക്ക്ഡൌണിന് മുമ്പ് ബുക്കുചെയ്ത ജൂൺ 30 വരെയുള്ള എല്ലാ ടിക്കറ്റുകളും റദ്ദാക്കി. മെയ് 12 മുതൽ പ്രവർത്തനം ആരംഭിച്ച ശ്രാമിക് സ്‌പെഷ്യലും ഡൽഹിയിൽനിന്ന് സർവീസ് നടത്തുന്ന 30 സ്‌പെഷ്യൽ ട്രെയിനുകളും ഒഴികെയുള്ള എല്ലാ പാസഞ്ചർ ട്രെയിനുകളും മറ്റൊരു അറിയിപ്പ് ഉണ്ടാകുന്നതുവരെ താൽക്കാലികമായി നിർത്തിവയ്ക്കുകയാണെന്ന് ഇന്ത്യൻ റെയിൽവേ അറിയിച്ചു.

റദ്ദാക്കിയ ഈ ട്രെയിനുകൾക്കായി ജൂൺ 30 വരെ ബുക്ക് ചെയ്ത എല്ലാ ടിക്കറ്റുകളും പൂർണമായും മടക്കിനൽകുമെന്ന് റെയിൽവേ മന്ത്രാലയം അറിയിച്ചു. ലോക്ക്ഡൌൺ സമയത്ത് സ്റ്റേഷനുകളിലെ ടിക്കറ്റ് കൌണ്ടറുകൾ അടച്ചിരിക്കുന്നതിനാൽ ടിക്കറ്റെടുത്ത പണം തിരികെ ലഭിക്കുന്നതിനായി ഓൺലൈനായി ക്ലെയിം ചെയ്യണമെന്നും റെയിൽവേ നിർദേശിക്കുന്നു.

Leave a Comment

Your email address will not be published. Required fields are marked *